பிரபல யூடியூபர் இர்பான் முதன்முதலாக தன்னுடைய குழந்தையின் பாலினத்தை தெரிவித்தது, பின்னர் குழந்தை பிறப்பின் போது தொப்புள் கொடியை வெட்டியது போன்ற அடுத்தடுத்து சர்ச்சைகளில் சிக்கினார். இதற்கு மன்னிப்பும் கேட்டார். இந்த நிலையில் ரம்ஜான் தினமான நேற்று சிலரை ஒருமையில் திட்டும் வீடியோவானது வெளியாகி பரபரப்பை ஏற்படுத்தியுள்ளது.
இர்பான் அடிக்கடி விதவிதமான உணவுகளை சாப்பிட்டு வீடியோவாக எடுத்து பிரபலமானார். பின்பு செலிபிரிட்டிகளை இன்டெர்வியூ எடுத்து வீடியோ போட்டு வந்த நிலையில் தற்போது ஒரு செலிபிரிட்டியாகவே மாறிவிட்டார். ஆனால் அவரை சுற்றி சர்ச்சைகளுக்கும் அதிகமாக இடம்பெற்று வருகிறது.இவர் எதை செய்தாலுமே அதை வீடியோவாக எடுத்து பதிவிடுவது வழக்கம்.
இந்த நிலையில் ரம்ஜான் தினமான நேற்று இவர் தன்னுடைய குடும்பத்தோடு காரில் சென்று இல்லாதவர்களுக்கு உணவை வழங்கியுள்ளார். அப்போது எதிர்பாராத விதமாக ஒருவர் உணவை பறித்து வாங்கியதாக கூறப்படுகிறது. இதற்கு இர்பான் அசிங்கமாக இல்லையா? இப்படியா வாங்குவிங்க? கொஞ்சம் கூட கூச்சமே இல்லையா? என்று திட்டியுள்ளார் இதை தன்னுடைய youtube சேனலிலும் வீடியோவாக வெளியிட்டுள்ளார். இந்த வீடியோ தற்போது இணையத்தில் பரவி வருகிறது. இதனை பார்த்த பலரும் நெட்டிசன்கள் பலரும் திட்டி தீர்த்து வருகிறார்கள்.
0 Comments