என் தோல்விக்கு காரணம் பாஜக.... ஜெயக்குமார் குமுறல்

 

அதிமுக கட்சியின் பொதுச்செயலாளர் எடப்பாடி பழனிச்சாமி நேற்று டெல்லியில் சென்று அமித்ஷாவை நேரில் சந்தித்தார். அதன் பிறகு அமித்ஷா அடுத்த வருடம் தமிழ்நாட்டில் தேசிய ஜனநாயக கூட்டணி ஆட்சி அமைக்கும் என்று கூறிய நிலையில் எடப்பாடி பழனிச்சாமி அதனை மறுத்தார். அதாவது பாஜகவுடன் கூட்டணி நிலைப்பாடு தொடர்பாக தேர்தல் சமயத்தில் அறிவிக்கப்படும் என்று கூறிய நிலையில் இது பற்றி தற்போது அதிமுக கட்சியின் முன்னாள் அமைச்சர் ஜெயக்குமார் பேசியுள்ளார். இது தொடர்பாக அவர் பேசியதாவது, ராயபுரத்தில் நான் 15 வருடங்களாக முடி சூடா மன்னனாக திகழ்ந்தேன். நான் தோல்வியை சந்தித்ததற்கு பாஜக மட்டும் தான் காரணம்.

நான் முதல் முறையாக வெளிப்படையாகவே கூறுகிறேன் கடந்த தேர்தலில் அதிமுக தோல்விக்கு பாஜகவுடன் கூட்டணி தான் காரணம். நான் 25 வருடமாக ராயபுரம் தொகுதியில் வெற்றி பெற்ற நிலையில் தற்போது  பாஜகவால் தோல்வியடைந்து சட்டசபைக்கு செல்ல முடியாத நிலையில் இருக்கிறேன். ஏனெனில் ராயபுரம் தொகுதியில் 40 ஆயிரம் சிறுபான்மையினர் மக்கள் இருக்கும் நிலையில் அவர்கள் பாஜக மீது கோபத்தில் இருக்கிறார்கள். அவர்களுக்கு என் மீது எந்த கோபமும் கிடையாது. ஏனெனில் அவர்கள் அப்போதே என்னிடம் சொன்னார்கள் பாஜகவை கழட்டி விட்டு வாருங்கள் என்று. ஆனால் நான்தான் அது வேஸ்ட் லக்கேஜ் வேற வழி இல்லை. சமயம் வரும்போது நாங்கள் கழட்டி விட்டு விடுவோம் என்று அவர்களிடம் கூறினே ன்.அதே மாதிரி தற்போது நேரம் வந்ததால் அந்தவேஸ்ட் லக்கேஜ் தேவையில்லை என்று கூறி நாங்கள் கழட்டி விட்டு விட்டோம்.

அது ஒரு ஓடாத பெட்டி பழைய மோட்டார் சைக்கிள் கண்டிப்பாக அந்த பழைய மோட்டார் சைக்கிள் ஓடவே ஓடாது. பாஜக மட்டும் இல்லை எனில் நான் 40 ஆயிரம் ஓட்டுகள் வித்தியாசத்தில் கண்டிப்பாக ஜெயித்திருப்பேன். பாஜகவால் நான் தற்போது ஜீரோவில் இருந்து ஓடும் நிலையில் திமுக 40-லிருந்து ஓடுகிறது. தமிழகத்தை பொறுத்தவரை கடந்த 2019 மற்றும் கடந்த 2021 ஆகிய தேர்தல்களில் அதிமுக தோல்விக்கு பாஜகவுடன் கூட்டணி வைத்தது மட்டும்தான் காரணம். மேலும் அதிமுகவின் தோல்விக்கு பாஜக மட்டும் தான் காரணம் என்று அழுத்தம் திருத்தமாக அவர் கூறினார்.