ஆவணப் பட விவகாரம்.... நயன்தாராவுக்கு சந்திரமுகி பட தயாரிப்பு நிறுவனமும் நோட்டீஸ்..?

 


நயன்தாரா, இயக்குனர் விக்னேஷ் சிவனின் திருமண வீடியோக்கள் அடங்கிய ஆவணப் படத்தை கடந்த ஆண்டு நவம்பர் மாதம் நெட்பிளிக்ஸ் ஓடிடி தளதில் வெளியிட்டார். ஆனால் இந்த ஆவணப்படத்தில் விக்னேஷ் சிவன் இயக்கத்தில், தான் நடித்த நானும் ரவுடிதான் படத்தின் காட்சிகளை வைப்பதற்காக அப்படத்தின் தயாரிப்பாளரான தனுஷ் இடத்தில் தொடர்ந்து அனுமதி கேட்டு வந்தார் நயன்தாரா. 

ஆனால் அவர் இழுத்து அடித்து வரவே, இரண்டு ஆண்டுகள் காத்திருந்த அவர்கள், பின்னர் தங்களிடமிருந்த அந்த படத்தின் சில காட்சிகளை இணைத்து ஆவணப்படத்தை வெளியிட்டார்கள். இதனால் ஆத்திரமடைந்த நடிகர் தனுஷ், தனது அனுமதி பெறாமல் நானும் ரவுடிதான் படத்தின் காட்சிகளை பயன்படுத்தியதற்காக 10 கோடி ரூபாய் நஷ்ட ஈடு தர வேண்டும் என்று நயன்தாராவுக்கு நோட்டீஸ் அனுப்பினார்.

இந்நிலையில் தற்போது அதே ஆவணப்படத்தில் சந்திரமுகி படத்தின் சில காட்சிகளை பயன்படுத்தியதற்காகவும் அப்படத்தின் தயாரிப்பு நிறுவனம் நயன்தாராவுக்கும், ஓடிடி தளத்துக்கும் 5 கோடி ரூபாய் நஷ்ட ஈடு கேட்டு நோட்டீஸ் அனுப்பி இருப்பதாகவும் ஒரு தகவல் வெளியாகியுள்ளது. இப்படி தனது திருமண ஆவணப் படத்தினால் இரண்டு பிரச்னைகளில் மாட்டிக் கொண்டுள்ளார் நயன்தாரா.

Post a Comment

0 Comments