தென்காசி மாவட்ட காவல் கண்காணிப்பாளர் அலுவலகத்தில் காவலர்களுக்கு சி.சி.டி.வி. கேமராக்கள் கையாளுவது குறித்த பயிற்சி எஸ்.பி. ஸ்ரீனிவாசன் தலைமையில் நடைபெற்றது.
தென்காசியில் உள்ள மாவட்ட காவல் கண்காணிப்பாளர் அலுவலகத்தில் காவல்துறையின் 3ம் கண் என்று அழைக்கப்படும்சி.சி.டி.வி. கேமராக்களை கையாளும் பயிற்சி நடைபெற்றது. மாவட்ட காவல் கண்காணிப்பாளர் ஸ்ரீனிவாசன் தலைமை வகித்தார்.தொழில்நுட்ப பிரிவு காவல் ஆய்வாளர்விஜயசேகர் முன்னிலை வகித்தார்.
இந்த வகுப்பில் காவல்துறையினருக்கு கண்காணிப்பு கேமராக்கள் மூலம் கண்காணித்தல், அவற்றில் பதிவாகி இருக்கும் வீடியோக்களை பதிவிறக்கம் செய்வதற்கான பயிற்சிகள் வழங்கப்பட்டது. மேலும் கண்காணிப்பு கேமரா செயலி அறிமுகப்படுத்தப்பட்டு அவை மூலம் மாவட்டத்தில் பொருத்தப்பட்டிருக்கும் அனைத்து கண்காணிப்பு கேமராக்களின் புவியிடங்காட்டி, ஜி.பி.எஸ்.லோக்கேஷன்ஆகியவை எளிதில் பார்க்கும் விதமாக அமைக்கப்பட்டுள்ளது.
இதனால் ஏதேனும் அசம்பாவிதம் ஏற்பட்டால் அப்பகுதியில் காலதாமதம் இன்றி உடனே கண்காணிப்பு கேமராக்களை சோதனை செய்யவும், அசம்பாவிதம் நடந்த இடங்களில் கேமராக்கள் இல்லையெனில் அப்பகுதியில் புதிதாக கேமராக்களை அமைப்பதற்கும் பயிற்சிகள் வழங்கப்பட்டது. இதில் காவலர்கள் பலர் கலந்து கொண்டனர்.
0 Comments