ஒரு கிலோ தக்காளி ‌ரூ.120-க்கு விற்பனை..... இல்லத்தரசிகள் அதிர்ச்சி

 

சென்னையில் தக்காளி விலை மீண்டும் உயர்வு கண்டுள்ளன. கடந்த வாரங்களில் 35 ரூபாய் வரை விற்பனை செய்யப்பட்ட தக்காளி, தற்போது 80 முதல் 120 ரூபாய்க்கு வரை விலை உயர்ந்து உள்ளதாக தகவல்கள் தெரிவிக்கின்றன. கோயம்பேடு சந்தையில் தக்காளி வரத்து குறைந்ததன் காரணமாக இந்த உயர்வு ஏற்பட்டுள்ளது.

கடந்த ஜூலை மாதம் தக்காளி விலை 100 ரூபாயை தாண்டிய நிலையில், ஆகஸ்ட் மாதத்தில் தக்காளி வரத்து அதிகரித்து விலை 30 ரூபாய்க்கு குறைந்தது. இந்த குறைந்த விலை பொதுமக்களுக்குப் பெரும் நிவாரணமாக இருந்தது. ஆனால், சமீபத்தில் வரத்து மீண்டும் குறைந்ததன் விளைவாக தக்காளி விலை படிப்படியாக உயர்ந்து வருகிறது.

கோயம்பேடு சந்தையில் முதன்மை தரத்திலான தக்காளி தற்போது 80 முதல் 90 ரூபாய்க்கு விற்பனை செய்யப்படுகிறது. இதனைக் காணும் சில்லறை விற்பனை நிலையங்களில் தக்காளி விலை 100 முதல் 120 ரூபாய்வரை உயர்ந்துள்ளது. மக்கள் தக்காளி வாங்கும் போது இந்த விலை உயர்வால் சிரமங்களை எதிர்கொள்ள வேண்டி இருக்கின்றனர்.

வியாபாரிகள் தெரிவித்ததாவது, தக்காளி வரத்து சீராக வராததன் காரணமாக இன்னும் சில நாட்களில் விலைகள் மேலும் அதிகரிக்கலாம் என்று கருதுகிறார்கள். அதனால், வெற்றிலை பழங்கள் மற்றும் காய்கறி விலைகளும் மேலும் அதிகரிக்க வாய்ப்புள்ளதால் மக்கள் பீதியடைந்துள்ளனர்.