சொத்து தகராறு.... தந்தையை குத்திகொன்ற மகன்

 

கள்ளக்குறிச்சி மாவட்டம் மண்மலை என்னும் பகுதியில் மாரிமுத்து(53)- சகுந்தலா தம்பதியினர் வசித்து வருகின்றனர். இவர்களுக்கு இரண்டு மகன்கள் உள்ளனர். இதில் மூத்த மகன் பாண்டிய துரை(27) திருமணம் ஆகி தனது தந்தையுடன் இருக்கிறார். இளைய மகன் விஜய்(25) சென்னையில் வேலை பார்த்து வருகிறார். இந்நிலையில் கடந்த இரண்டு வருடங்களாக பாண்டித்துரை தனக்கான சொத்தை பிரித்துக் கொடுக்குமாறு தந்தையிடம் கூறியுள்ளார். அதற்கு தம்பி விஜய்க்கு திருமணம் முடிந்ததும் பிரித்துக் கொடுப்பதாக அவரது தந்தை கூறியுள்ளார்.  இந்நிலையில் சம்பவ நாளில் மீண்டும் சொத்து தொடர்பாக பாண்டி துரைக்கும் அவரது தந்தைக்கும் இடையே வாய் தகராறு ஏற்பட்டது.

இதில்  ஆத்திரமடைந்த  பாண்டித்துரை கத்தியால் தந்தையை குத்தினார். இதனால் மயங்கிய மாரிமுத்து ரத்த வெள்ளத்தில் கீழே கிடந்தார். இதனைக் கண்டு அதிர்ச்சி அடைந்த அக்கம்பக்கத்தினர் மாரிமுத்துவை அருகில் இருந்த மருத்துவமனைக்கு கொண்டு சென்றனர். ஆனால் அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக கூறினர்.இது தொடர்பாக காவல்துறையினருக்கு தகவல் கொடுக்கப்பட்டது. அந்த தகவலின் படி சம்பவ இடத்திற்கு விரைந்து வந்து காவல் துறையினர் மாரிமுத்துவின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் கொலை செய்த பாண்டி துரையை காவல்துறையினர் கைது செய்து விசாரணை நடத்தி வருகிறார்கள். சொத்துக்காக தந்தையை கொலை செய்த இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.